रब नूं लभण निक्लिया सी—
बेबे दी दवाई
मेज़ ते छड्ड के,
बापू दी लाठी
मंजे तों दूर पई वी
वेख के।

बेबे दी अख्ख विच्च
जिवें शाम खलो गई सी,
बापू दी हथेली दी
इक अधूरी पकड़—
जिवें मेरी उंगली
अज्ज वी ओथे होवे।

मैं तुर पया
रब्ब दे रस्ते।

पैरां थल्ले
ठंडा संगमरमर सी,
सिर ते
शबदां दी छां,
ते हथां विच्च
सेवा दी चमक।

पर मेरे अंदर
इक बूआ
खुल्ला रह गया।

ओस बूहे पाछे
बेबे दी खंघ सी,
बापू दी लाठी दी
हौली जेही टक-टक,
ते चुल्हे दी राख विच्च
बुझदी इक लौ।

मैं माथा टेकदा रिहा—
ओस कदी ना दिखण वाले
नूर अग्गे।

बेबे
मेरी राह वल
उडीक दा
दीवा बालदी रही।

मैं शब्द सुनदा रिहा—
बेबे
मेरे नां दी
चुप सुनदी रही।

मैं सेवा करदा रिहा—
बापू
मंजे दे कोल पई
लाठी टटोलदा रिहा।

कदे-कदे
रब्ब बड़ा नेड़े लगदा सी,
पर ओसे वेल्ले
होर दूर हो जान्दा सी।

इक दिन
मैं अपने अंदर
इक खाली थां वेख्या—
ना ओथे घंटी सी,
ना शबद,
ना संगत।

बस
इक बूढ़ी बेबे दी
हथेली सी,
जिस विच्च दवाई दी गोली
चुप पई सी।

इक बूढ़ा बापू सी,
जिसदी लाठी
मंजे तों दूर
पई सी।

ते इक चौखट—
जिहड़ी
मेरे पैरां दी आहट नूं
अज्ज वी पहचानदी सी।

मैं बौत देर
ओस चौखट नूं
अंदरों तकदा रिहा।

फेर समझ आया—
रब्ब नूं लभण निक्लिया सी,
पर जिन्ने
मेरी उंगली फड़ के
मैनूं रब्ब दे सतसंग नाल लाया,
ओस प्यो दे घर दी मिट्टी
मैं अपने पैरां थल्लों
ही झाड़ आया सी।

रब्ब तां—
कोई दूर दी गल्ल नहीं सी।

ओह तां
बेबे दी उडीक,
बापू दी लाठी,
ते मेरे हिस्से दी
इक खाली कुर्सी विच्च,
चुप-चाप,
मेरे बेबे-बापू दी सेवा विच्च
बैठा सी।

बापू ने जेड़ी
उंगली फड़ के
मैनूं सतसंग नाल जोड़्या सी,
ओन्ने ई ओही उंगली फड़ के
फेर रब्ब नू वी
पकड़ा दिति ।

मैं तां ऐवें ही
कागज़ां दे ढेर विच्च
पया रिहा—
उस नूं लभदा,
जो कदे दूर सी ही नहीं।

—इकबाल सिंह “राशा”
मनिफिट, जमशेदपुर, झारखण्ड