#Rajasthani
#राजस्थानी

मीरां भगती, पद्मिनी सती

पन्ना रा गुणगान सुणास्याॅं

कैर, काचरी, मोठ, बाजरी

सांगरीयाॅं रो स्वाद चखास्याॅं

गढ़ चितौड़ जयपुर गणगौर

मारवाड़ री शान दिखास्याँ

पाणीं री पणिहार दिखास्याॅं

तीज्याॅं रो तिंवार दिखास्याॅं

मोटोड़ा साहूकार दिखास्याॅं

तीखोड़ी तलवार दिखास्याॅं

साफा छुरंगादार दिखास्याॅं

थानै तीज तिंवार दिखास्याॅं

मैहणसरी मनवार दिखास्याॅं

दानी अ'र दातार दिखास्याॅं

कामणगारी नार दिखास्याॅं

तेजा सा अवतार दिखास्याॅं

कदै तो मरुधर देस पधारौ

म्हारो राजस्थान दिखास्याँ

रचणियाँ: छगन सिंह जेरठी

-Chhagan Singh Jerthi