छत्तीसगढ़ी व्यंग्य

रंग ल अपन बदले खातिर,अतका अगुवावत हें,
मनखे मन ल देख देख,टेटका घलु लजावत हें

लबरा - लबरी के चारों मुड़ा बोलबाला हे,
सिरतोन गोठियइया मन, मुंह ल लुकावत हें

नगदी खवइया मन के,गाल पिचके पिचके हे,
उधारी खवइया मन, मोटावत चिकनावत हें

जवान जवान लइका, मोबाइल मं फिदा हें,
देख देख दाई ददा के, तरुवा सुखावत हे

ए कइसन जमाना आगे,सांस लेना मुश्किल हे,
धरती के सुग्घर हवा मं,धूंगिया समावत हें।।

टेटका - गिरगिट
लबरा लबरी - झूठा झूठी
सिरतोन - सच्ची, सत्य
तरुवा सुखावत हे - मुंह सुखना, घबराना, चिंता
धूंगिया - काला धुआं
भाव सौंदर्य - वर्तमान में मानवीय मूल्यों और पर्यावरण में प्रदूषण बढ़ते जा रहा है।