नेपाली बाल कविता : श्रमदान....
हामी सचेत बन्नु पर्छ
माटोलाई खन्नु पर्छ
माटोलाई जोत्नु पर्छ
बीउ बिरुवा रोप्नु पर्छ
म लेखक यही भन्छ
श्रमदान बाटै देश बन्छ

खेतीपाती लाउनु पर्छ
हर चीज उब्जाउनु पर्छ
बल्ल फेरि खान पाइन्छ
बल्ल फेरि लाउन पाइन्छ
म लेखक यही भन्छ
श्रमदान बाटै देश बन्छ

यहीं जन्मयों यहीं हामी मर्नु पर्छ
देश को लागि श्रमदानै गर्नु पर्छ
आनन्दले बसे त कसैले गन्दैन
श्रमदान न गरे देश कहिल्यै बन्दैन
म लेखक यही भन्छ
श्रमदान बाटै देश बन्छ

गलत गरे गर्ने हैन भन्नु पर्छ
हामी सबै सचेत नागरिक बन्नु पर्छ
सुत्ने हैन जाग्नु पर्छ
देश विकासमा लाग्नु पर्छ
म लेखक यही भन्छ
श्रमदान बाटै देश बन्छ
श्रमदान बाटै देश बन्छ.......

netra prasad gautam